Gjatë prezantimit në Komisionin e Sigurisë për buxhetin 2020, ministri i Brendshëm Sandër Lleshaj ka deklaruar se po parashikohet që të zvogëlohet numri i drejtorive vendore, me qëllim që të shtohet numri i komisariateve.
Ndërsa theksoi se një nga prioritetet është dhënia e kompetenca të reja të policisë për luftën kundër krimit. Ku mes të tjerash shtoi se duhet forcuar kapaciteti i policisë shkencore, si dhe duhet ndërtuar një laborator.
“Kemi një plan për rindërtimin e komisariateve, sidomos jashtë Tiranës. Kemi plan për rishpërndarjen e tyre, shpërndarja e popullsisë ka ndryshuar pas ‘90. Duam të shtojmë numrin e Komisariateve.
Kemi dy alternativa, është duke u vendosur për përzgjedhjen e projektit. Është kosto e cila duhet marrë parasysh. Rikthime në polici nga të larguarit nuk ka patur. Nuk i kemi rikthyer sepse ligji na e ndalon një gjë të tillë. Duhet riparë nga viti i ardhshëm, pasi ka persona të aftë”, tha Lleshaj.
