Analisti, Andi Bushati tha se Saimir Tahiri do ta pësojë në të njëjtën mënyrë si Shpëtim Gjika. I ftuar në studion e lajmeve të “News 24” Bushati tha se Rama e ka hedhur pataten e nxehtë nga duart dhe thotë që të veprojë drejtësia. Gjithashtu, Bushati bëri një analizë të statusit në “Facebook” të Ramës për Tahirin. Bushati thotë se Po të shohësh tekstin e Ramës sot duhet thënë se ishte i njëjtë me atë që Rama shkroi më parë për ish-kryebashkiakun e Vlorës.
Bushati: Akuzat e opozitës dhe ato të Zaganit implikojnë shumë më tepër Tahitin. Kur doli video e Zaganit, propaganda e Edi Ramës bëri çfarë ishte e mundur që kjo video të zhdukej nga media. Situata e sotme dhe këto që dolën në media nuk implikojnë vetëm Tahirin por të gjithë qeverinë Rama. Ishte Rama ai që e mbrojti publikisht Tahirin dhe kërkoj të jepte idenë
Rama e ka hedhur pataten e nxehtë nga duart dhe thotë që të veprojë drejtësia. Po të shohësh tekstin e Ramës sot duhet thënë se ishte i njëjtë me atë që Rama shkroi më parë për ish-kryebashkiakun e Vlorës, Shpëtim Gjika.
Më herët, kryeministri Edi Rama bëri reagimin e parë publik për rastin e Saimir Tahirit. Rama me deklaratën e tij thuajse e shet Tahirin, një nga ish-ministrat më të përfolur të qeverisë në mandatin e parë. Rama shkruan se “Saimir Tahirin e njoh prej vitesh dhe kam pasur vetëm fjalë mbështetjeje e inkurajimi për të, si person me qëllime të mira, aftësi dhe integritet. Por Shqipëria dhe shqiptarët sot duan e meritojnë të dinë të vërtetën, vetëm të vërtetën dhe asgjë tjetër përveç të vërtetës. Prandaj të gjitha organet ligjzbatuese, duhet t’i shkojnë deri në fund e pa humbur kohë kësaj historie, për të hedhur dritë të plotë mbi faktet.
