Një aksident i rëndë me pasojë 2 të vdekur dhe 2 të plagosur është shënuar pak çaste më parë. Ngjarja ka ndodhur në aksin rrugor Burrel-Milot në vendin e quajtur Muzhak.
Ka qenë një automjet, i cili ka përplasur një motor dhe më pas ka marrë përpara kalimtarët në anë të rrugës, duke u shkaktuar vdekjen dy prej tyre. Një prej viktimave, identiteti i të cilit nuk bëhet i ditur, mësohet se ka ndërruar jetë menjëherë. Ndërsa i dyti ka ndërruar jetë rrugës për në spitalin e Burrelit.
Sipas informacioneve të para mësohet se viktimat janë Alfred Balla 35 vjeç dhe Gentian Hani 28 vjeç. Policia ka mbërritur në vendin e ngjarjes dhe po punon për zbardhjen e plotë të saj.
