Manchester City ka zhgënjyer në transfertën e Burnely në përballjen e javës së 26, ku ndeshja u mbyll në barazim 1-1. Takimi është dominuar totalisht nga miqtë, por një gol në minutën e 82’ ka prishur festën e Guardiolas. Qytetarët kalojnë të parët në avantazh, ku pas një goditje këndi, Bernardo Silva pason te Danilo i cili nga distanca lëshon një goditje të bukur plot ndjenjë duke shënuar një gol fantastik.
Pas një pjese të parë të dominuar totalisht nga City dhe atij supergoli të shënuar nga ish-mbrojtësi i Realit, e dyta nis në të njëjtat ritme. Një gabim fatal, pasi Burnley është një skuadër që nuk e humb shpresën asnjëherë dhe në minutën e 82’ vjen goli i barazimit me Johann Berg Gudmundsson.
Një goditje e bukur nga pas shpine të Walker barazon gjithçka në Turf Moor. Me minutat në dispozicion që nuk ishin shumë, City insistoi të rifitonte avantazhin por ishte e pamundur, dhe duhet të kënaqet me një pikë në fund, që gjithsesi nuk është një rezultat edhe aq i keq duke parë forcën që ka Burnley ndaj skuadrave të mëdha në Turf Moor.
