Shumë është komentuar lidhur me debatin mes deputetit Kujtim Gjuzi dhe biznesmenit Elton Ilirjani. Kujtojmë këtu faktin se pas përplasjes në studion televizive, ata vijuan me të njëjtën intesitet replikat në distancë në rrjetet sociale.
Në një koment, Gjuzi shkonte deri atje sa shprehej për Ilirjanin: “Ishalla e varin kuksianët”.
Deputeti Kujtim Gjuzi i përgjigjet nje komentuesi: “Ishalla e varin kuksianët”, pasi komentuesi i kishte thënë: “Po ta bësh xheloz me këto sjellje”.
Për këto fjalë, deputeti është detyruar të kërkojë falje. I ftuar në “Thumb On” në RTV Ora, deputeti i Partisë Konservatore tha se kjo ishte hera e parë që kërkonte falje publikisht.
“Ai nuk është për të qenë. Ti thotë dhe komisionerit nga diskriminimi që ‘O do të kërkojë falje Gjuzi, o s’ka’.
Ishte rasti i parë në jetën time që kërkoj falje. Unë i kërkova, se tha komisioneri. Ose fale, ose të çoj në burg. Unë burgun, gjykatën dhe gratë i kam më frikë nga të gjitha”, tha Gjuzi.
Biznesmeni Elton Ilirjani dhe kreu i Partisë Konservatore, Kujtim Gjuzi, u vunë në qendër të vëmendjes. Gjatë transmetimit live të emisionit ‘360 gradë’ të Artur Zhejit, ata shkëmbyen deklarata të forta mes tyre.
