Pak kohë më parë është njoftuar se do të nisë procesi i Vettingut në polici në kuadër të zbatimit të reformës në drejtësi. Por ndërkohë, pas verifikimit të kryer rezulton se 150 policë të burgjeve kanë dalë me dëshmi penaliteti false. Panorama shkruan se verifikimin e ka bërë Drejtoria e Burgjeve dhe plot 150 punonjës kanë dorëzuar dëshmi të falsifikuar penaliteti.
Kujtojmë se gjithsej janë 3700 policë burgjesh. Pritet ditët në vijim të shihet nëse do të merret masë ndaj këtyre punonjësve. Nisja e verifikimit është raportuar nga vetë ministri i Brendshëm Xhafaj, ndërsa qëndronte në Elbasan në takim me strukturat e policisë. Muaji janar është njoftuar se do të jetë muaji i arrestimit i të ashtuquajturve “peshqit e mëdhenj”, por kjo ende nuk ka ndodhur.
Vetë ambasadori i Shteteve të Bashkuara të Amerikës, Donald Lu ka deklaruar se në Shqipëri mbizotërojnë 4 klane kriminale dhe 20 familje mafioze, ndërsa si pjesë e kësaj është denoncuar edhe Klement Balili, pronar i hotelit “Santa Kuaranta” në Sarandë.
Ai është i njohur ndryshe si “Eskobari i Ballkanit”, por ende nuk është arrestuar ndryshe siç është kërkuar nga ambasadori amerikan apo edhe denoncimet e opozitës.
