Një aksident është shënuar pasditen e sotme në Bulqizë, ku për pasojë është plagosur rëndë një 32-vjeçar. Ngjarja ka ndodhur në aksin rrugor Bulqizë-Shupenzë, në vendin e quajtur ‘Pishat’. Raportohet se motori ka dalë nga rruga dhe është përplasur me barrierat anësore.
I plagosuri identifikohet si Sulejman Llani, ndërsa mësohet se ka marrë fraktura të rënda në kokë. Kësisoj, është dërguar me helikopter drejt spitalit të Traumës në Tiranë, për një ndihmë më të specializuar.
Policia ka shkuar në vendngjarje dhe po heton për zbardhjen e plotë të ngjarjes.
