Tubacioni kryesor i ujit të pijshëm është dëmtuar nga rrëshqitja e stokut të kromit, duke lënë pa ujë të pijshëm qytetin e Bulqizës.
Për pasojë, edhe spitali rajonal ka mbetur pa ujë të pijshëm, ndërsa ekspertët japin alarmin për rrëshqitja të tjera masive.
Zona D në Bulqizë paraqet rrezikshmëri të lartë, ndërsa shembja ka dëmtuar edhe një prej godinave pranë minierave të zonës D.
Edhe pse kanë kaluar 24 orë nga incidenti, ende nuk është marrë asnjë masë për riparimin e defektit. Nga ndërmarrja e ujësjellësit u tha se nuk ka buxhet të mjaftueshëm për devijimin e tubit kryesor.
