Buffon pranë gjigantit europian, mund të përballet me Juventusin

Gianluigi Buffon ka njoftuar ditën e sotme se këtë fundjavë do të zhvillojë ndeshjen e fundit të me bardhezinjtë. Ai u shpreh se kishte disa oferta tunduese dhe do ta mendonte mirë se çfarë do të ndodhte me të ardhmen e tij. Por raportohet se Buffon mund të jetë në bisedime të avancuara me PSG, që, sipas mediave franceze, i ka ofruar italianit një kontratë 2-vjeçare.Dhe sipas raporteve të shtypit francez si le Parisien dhe Canal+, 40-vjeçari është duke biseduar me kampionët e Ligue 1 për një transferim të mundshëm. Ashtu si PSG, edhe Liverpool thuhet të jetë interesuar për firmën  Buffon. Kjo do të thotë se në sezonin e ardhshëm mund ta shohim gardianin përballë ish-ekipit të tij në ndeshjet e Champions League.Portieri do të luajë ndeshjen e fundit të karrierës me Juventus gjatë fundjavës në Allianz Stadium pas një karriere 17-vjeçare të mbushur me shumë trofe. Ai do të ketë shansin t’i thotë lamtumirë tifozëve të tij që e kanë mbështetur gjithmonë.