Sjellja e Gianluigi Buffon në fundin e ndeshjes mes Real Madrid dhe Juventus të vlefshme për Champions League është komentuar sërish nga presidenti i UEFA-s, Aleksandër Ceferin. Ai refuzoi të dënoi Gianluigi Buffonin për reagimin e tij “të kuptueshëm” ndaj gjyqtarit Michael Oliver për atë penallti që ka bërë xhiron e botës dhe vazhdon të komentohet akoma.
Juve ishte në prag të kohës shtesë në çerekfinale të Ligës së Kampionëve, pasi ishte duke fituar 3-0 në Santiago Bernabeu pasi humbi me të njëjtin rezultat në Torino. Por arbitri Oliver u dha një penallti në minutën e fundit madrilenëve, pasi Benatia ndërhyri në zonë ndaj Vasquez. Më pas reagimi i Buffon ishte tejet agresiv dhe u ndëshkua me një karton të kuq pasi preku arbitrin, shkruan Tirana Today.
Buffon vazhdoi edhe më pas duke e cilësuar arbitrin Oliver si një njeri të paaftë për të drejtuar ndeshje të tilla dhe se në vend të zemrës kishte një grumbull plehrash. Më pas Oliver dhe gruaja e tij kanë marrë një numër të madh kërcënimesh, por për presidentin e UEFA-s këto gjeste janë quajtur të pranueshme.
“Ajo që ai [Buffon] bëri ishte shumë, por unë e kuptoj atë sepse ishte shansi i tij i fundit për të fituar Ligën e Kampionëve, tha Ceferin për Marca. Ai është instikt i njeriut dhe i kuptueshëm. Kur luaj futboll me shokët e mi dhe humbas në minutën e fundit … për shembull të shtunën e kaluar në një ndeshje bamirësie, ish-lojtarët po luftonin me arbitrin. Kur luani doni të fitoni dhe ju flisni për gjithçka dhe komentoni gjithçka. Më ndodh edhe mua kur po luaj në Slloveni.
“Gjysma e botës mendon se është një ndëshkim ai moment dhe gjysma tjetër mendon se nuk është. Arbitri vendosi se është dhe kështu është futbolli. Unë e kuptoj zemërimin e Juventusit sepse ata u eliminuan në minutën e fundit, por unë do ta kisha kuptuar edhe zemërimin e Real Madridit nëse ai [Oliver] nuk fërshëllente dhe pastaj ata eliminoheshin në kohë shtesë. Është futboll, është sport, është pjesë e jetës. Është shumë e vështirë të humbësh në minutën e fundit”.TIRANA TODAY
