Dy shqiptarë janë burgosur, pasi kultivonin lëndë narkotike në një shtëpi të kthyer në fabrikë në Stoke-on-Trent. Liridon Mehilli dhe Mufit Xhoka, të dy të moshës 25 vjeç, ishin në tarracën e shtëpisë, kur policia bastisi aty.
Ata u përpoqën të largoheshin sapo panë policinë, por u arrestuan. Zyrtarët zbuluan një fabrikë kanabis në papafingo me 45 bimë të kanabisit. Gjithashtu u sekuestruan edhe 2.47 kg kanabis gati për treg.
Të dy të pandehurit janë burgosur me nga gjashtë muaj nga Gjykata e Stoke-on-Trent Crown. Prokurori Jamie Scott tha se policia bastisi në tarracën e shtëpisë në rrugën Jackfield Street më 9 gusht.
Scott tha:
“Të dy burrat u përpoqën të largoheshin nga pjesa e pasme e pronës. Të dy u kapën. Prona është kontrolluar. Ishte duke u përdorur si fabrikë kanabisit.
Komposto dhe plehra u gjetën në dhomën e pasme të katit të parë. Ndërsa papafingo ishte e veshur me plastike, dhe kishte 9 llamba 600 vat dhe nëntë transformatorë elektrikë”.
Të dy të pandehurit, pa adresë fikse, u deklaruan fajtorë për prodhimin droge, raporton stokesentinel.co.uk.
Jason Holt, tha se klienti i tij Xhoka, kishte hyrë në Britani nga një kamion nga Franca. Sipas tij ai nuk kishte mundur të gjente punë dhe ishte detyruar të punonte në fabrikë.
Ai shtoi: “Ai ujiti bimët dhe sepse paratë i duheshin për të shlyer borxhin që kishte marrë për të arritur deri këtu. Ai dëshiron të kthehet në Shqipëri, por ka fikë se nuk do lajë dot borxhet”.
Stuart Muldoon, përfaqësuar i Mehillit, tha se klienti i tij gjithashtu dëshiron të kthehet në Shqipëri. Muldoon shtoi: “Ai pagoi 12,000 euro për të ardhur në këtë vend. Ai punoi për një muaj në ndërtim në Oksford dhe pastaj u çua në Stoke-on-Trent disa javë para arrestimit të tij. Ai shkoi në këtë shtëpi një ditë para arrestimit të tij”./TIRANA TODAY/
