Një tjetër mutacion i Covid-19 është zbuluar ditën e sotme në Britaninë e Madhe. Prestigjozja Daily Mail, shkruan se ky lloj mutacioni ka ardhur si pasojë e kontakteve të disa personave që kanë udhëtuar nga Afrika e Jugut gjatë javëve të fundit.
Ministri i Shëndetësisë , Matt Hancock deklaroi se ky është mutacioni i dytë i gjetur në po kaq javë, dhe besohet se është më infektues. Në një deklaratë për shtyp, ai ka thënë se miliona familje janë urdhëruar që të qëndrojnë të mbyllur në Jug-Lindje të Londrës.
Prej ditës së sotme, Britania e Madhe është ”futur” në një mbyllje të plotë në 48 orë. Mutacioni i ri i Covid është zbuluar nga disa ekspertë të Sage. Ata thonë se mutacioni i dytë i Covid për përhapet me shpejtësi të Londrës dhe dhe në të gjithë Anglinë Lindore.
Mutacioni i ri i koronavirusit që u identifikua për herë të parë në Britani, mendohet të jetë 70* më i transmetueshëm. Lidhur me këtë rast, shumë vende të botës, përfshirë Shqipërinë kanë vendosur që t’i ndalojnë udhëtimet me Britaninë.
Raste të tilla janë shfaqur dhe në disa vende si Holanda, Danimarka dhe Italia, të cilat kanë ndërprerë fluturimet me Britaninë e Madhe.
