Pak ditë më parë, ish-drejtoresha e Tatimeve, Brisida Shehaj, ishte në shoqërinë e kryetares së LSI-së, Monika Kryemadhi, ku kjo e fundit po gatuante hasude për të rinjtë e LSI-së. Fotoja që Shehaj shpërndau në rrjetet sociale, ishte dëshmi e afrimit me LSI-në.
“Për sonte po bëjnë hasude, meqënëse nga mungonte kafja turke“, shkruante Shehaj dhe në foto shfaqej Krymadhi me përparëse.
Por gazetari Bledi Mane ka zbuluar tre emra, të cilat do të jenë kandidate për deputete. Një ndër to është edhe Brisida Shehaj.
Bëhet fjalë për aktoren Arjola Demiri, që sipas tij do të kandidojë në listat e PS-së në Kukës, Klodjana Shala nga PD, dhe ish-drejtoresha e Tatimeve Brisida Shehaj që sipas tij do të kandidojë në Gjirokastër, nga radhët e LSI-së.
Statusi
Lufta e seksit/ TRE FEMRAT E NXEHTA, KANDIDATE PËR DEPUTETE
***
Partitë historike dhe më të mëdha politike e kanë kuptuar që lidershipi i tyre i plakur, i lodhur nuk josh më elektorat. Zgjedhjet e prillit 2021 i ndezën motorët qysh tani në shtator dhe brenda kampeve politike ka filluar lakimi dhe përcaktimi i kandidatëve. Listat e hapura, mot do e bëjnë më të fortë dhe më interesante garën elektorale ndaj socialistët, demokratët dhe lësëistët u janë turrur emrave dhe fytyrave të reja.
Partia Socialiste kandidon në Qarkun e Kukësit aktoren tropojane Arjola Demiri duke synuar të mbledhë maksimum votash në një qark ku PD fiton përherë shumicën e mandateve.
Në Qarkun e Gjirokastrës do të jetë e dyta në listën e kandidatëve Briseida Shehaj, ish socialistja e flaktë dhe ish drejtoresha e njohur e tatimeve e konvertuar tashmë në lësëiste. Me prindër nga Përmeti dhe Tepelena, zonjush Shehaj pretendon një mandat të dytë në qarkun jugor për LSI-në e Monika Kryemadhit.
Më të vështirë e ka sportistja kampione Klodiana Shala. Në kampin e Partisë Demokratike ajo është një emër i dashur e i respektuar por e fundit që vendos për emrat e kandidatëve demokratë është Aurela, gruaja e hekurt e liderit të squllët Lulzim Basha.
https://www.facebook.com/bledi.mane/posts/3231638693552727
