Mbi 380 mijë persona në Britaninë e Madhe kanë nënshkruar një peticion, me të cilin kërkohet mbajtja e referendumit të dytë për Brexit-in.
Peticioni bën thirrje që zyrtarët në Britani dhe në BE t’i mundësojnë popullit britanik që të votojë për miratimin apo kundërshtimin e planit të kryeministrit Boris Johnson për Brexit-in.
“Ne nuk duam që njerëzit e pushtetshëm ta shtyjnë popullin drejt një Brexit-i që do ta dëmtojë ekonominë në Mbretërinë e Bashkuar dhe Bashkimin Evropian, që do ta rrezikojë procesin e paqes në Irlandën Veriore dhe që do të sjellë vite të tjera me paqartësi dhe kaos. Na lejoni të vendosim nëse duam të vazhdojmë me këtë proces. Na lejoni të vendosim përmes votës së popullit”, thuhet në peticion.
