Katër persona kanë humbur jetën dhe pesë të tjerë janë plagosur mëngjesin e kësaj të diele në Kansas të SHBA-ve.
Sipas njoftimit të Departamentit të Policisë së qytetit në Kansas, një person është futur në një lokal dhe ka qëlluar me breshëri plumbash mbi të pranishmit.
Ndërkohë, mediat e huaja raportojnë se pasi hapi zjarr, autori është larguar me shpejtësi, ndërsa nuk ka informacion lidhur me shkaqet që e kanë çuar autorin të kryejë këtë krim.
