Të tjera detaje kanë dalë lidhur me plagosjen me armë zjarri ndodhur paraditen e sotme në qytetin e Kavajës.
Gazetari i “News24”, i cili në momentin ngjarjes ndodhej 20 metra larg, rrëfeu çastet e ‘tmerrit’, teksa u shpreh se të gjithën njerëzit filluan të ulërisnin. Ai tha ndër të tjera tha se i plagosuri, Rexhep Tare u qëllua me breshëri kallashnikovi nga Fitim Baboqi.
Ky i fundit vazhdoi të qëllojë në ajër me kallashnikov, edhe pas plagosjes, por kanë ndërhyrë disa persona që e njihnin, të cilët e kanë ndaluar, derisa policia ka mbërritur dhe e ka shoqëruar.
“Qyteti i Kavajës është tronditur nga një plagosje me një breshëri arme tip kallashnikov, unë ndodhesha rreth 20 metra larg ngjarjes dhe u tmerrova, të gjithë njerëzit ulërinin. Ishin rreth 5 ose 7 plumba, të lëshuara nga armët. I plagosuri ndodhet në spital, është qëlluar disa herë ndaj tij, por ka marrë vetëm një plumb në barkë. Me dorën e majtë mbante të shtrënguar plumbin, ai u mor me një makinë private, që e shoqëroi menjëherë drejt spitalit”, tregoi gazetari.
