Mbrëmjen e djeshme u raportua për të shtëna me armë zjarri, e për një biznesmen të plagosur. Ngjarja ka ndodhur në zonën e ish-Parkut të Autobusave në Tiranë, ku dhe janë dëgjuar të shtënat me armë zjarri.
Sapo janë njoftuar, menjëherë uniformat blu kanë shkuar drejt vendit të ngjarjes, në rrugën “Shefqet Musaraj”, ku ka gjetur dy gëzhoja, por asnjë person të plagosur.
Po kështu policia ka sekuestruar kamerat e sigurisë së bizneseve që ndodhen aty. Edhe nga inspektimi në spitalet e kryeqytetit, deri më tani nuk është identifikuar asnjë person i plagosur, që mund të lidhet me këtë ngjarje.
Sakaq, dëshmitarët në vendin e ngjarjes kanë deklaruar se është qëlluar me armë drejt pronarit të një pike bastesh, por ky pretendim ende nuk është konfirmuar.
