Pas deklaratës së ish-deputetit demokrat Astrit Patozit se nuk do të kandidojë për kreun e PD-së edhe ish-deputetja Majlinda Bregu ka konfirmuar qëndrimin e saj jashtë gare.
Ish-ministrja e Integrimit tha se ajo do të mbështesë çdo kandidat serioz, që është i vërtetë dhe që ka dalë si emër i propozuar nga grupi “anti-Basha”.
“Do mbështesë kandidatin që do të sfidojë Bashën në të vërtetë dhe të jetë një emër i dalë nga kritikët e Bashës dhe jo një i vendosur sa për një garë farsë”, tha Bregu në emisionin “Zonë e Lirë”.
Me tej ajo u shpreh se:“Unë vet nuk do të kandidoj. Më vjen keq që e parashikova këtë humbje. Kur unë flisja për humbjen, kolegët e mi ulnin kokën në mbledhje grupi”.
