Gjatë një takimi me forumet e Universitetit Europian të Tiranës, deputetja e PD-së Majlinda Bregu është shprehur se, mandati i Bashës si kryetar i partisë mbaron më 22 korrik të këtij viti.
Sipas Bregut, mbarimi i mandatit të Bashës duhet të prodhojë zgjedhje në Partinë Demokratike për kryetarin e saj.
“Në 22 korrik mbaron mandati i Bashës në PD. Duhet të bëhen zgjedhje për kryetarin”,deklaroi deputetja e PD-së, Majlinda Bregu nga forumet e universitetit UET.
Më herët ajo u shpreh se, rruga më e mirë e të bërit politikë është pjesëmarrja në zgjedhje dhe se PD-ja mund të vijë në pushtet vetëm përmes zgjedhjeve dhe jo nëpërmjet bojkotit të tyre, shkruan Mapo.
“Nuk di rrugë më të mirë të të bërit politikë sesa pjesëmarrja në zgjedhje. E kam bindje politike dhe sidomos PD-ja, nuk ka asnjë shans tjetër për të ardhur në pushtet përveç pjesëmarrjes në zgjedhje.
Unë politikën e di institucionale, me gjithë respektin për revolucionet, lëvizjet, grupimet”,- tha Bregu në forumet e Universitetit Europian të Tiranës.
