Bregu i Fildishtë në panik, është zhdukur mesfushori i Manchester Cityt, Yaya Toure. Ai nuk është paraqitur në grumbullimin e kombëtares së tij dhe nuk ka dërguar asnjë njoftim në zyrat e klubit. Lojtari duket se është zhdukur dhe është kthyer në çështje në vendin e tij.
Lajmi është bërë i ditur nga federata e Bregut të Fildishtë nëpërmjet një komunikate për shtyp: “Të gjithë futbollistët që luajnë në Europë janë të pranishëm, përveç Yaya Toure. Stafi i kombëtares nuk ka asnjë lajm në lidhje me kapitenin e Elefantëve, fitues të Kupës së Afrikës në 2015-ën”.
Asnjë raport mjekësor, asnjë telefonatë për një Toure që duket se ka humbur gjurmët në atdheun e tij dhe që ka pak mundësi të marrë pjesë në miqësoret që do të luajë kombëtarja e tij, e cila nuk ka arritur të kualifikohet për Kupën e Botës.
