Gazetari Mentor Kikia ka diskutuar me ministrin e Turizmit, Blendi Klosi në lidhje me situatën e plazheve në Shqipëri, teksa Kikia deklaron se bregdeti shqiptar sot është i oligarkëve dhe jo bregdeti i turizmit që duam ne.
Të ftuar në emisionin “Arena” në Ora News, Kikia dhe Klosi folën më konkretisht për situatën e bregdetit të Gjirit të Lalzit, në të cilën vazhdojnë punimet për ndërtime të reja nga dita në ditë.
Pjesë nga diskutimi:
Mentor Kikia: Në Gjirin e Lalzit është mbushur me vila. Unë nuk di që një njeri i pasur nga Tirana, që blen vilë në Gjirin e Lalzit ta lëshojë në verë me qira për pushuesit, sepse nuk ja ndjen fare për ato 100 euro, që do t’i japi ai pushuesi.
Blendi Klosi: Këtu po kërkohet që ne të kemi më shumë hoteleri, më shumë shërbime.
Mentor Kikia: Por këto nuk janë të gjithë hotele, këto janë shërbime salltanetesh. Shumë zona turistike janë zona të të pasurve tani që kanë nga një vilë në Tiranë, një në Vlorë, edhe një në Durrës që ta ketë këtu afër. Ky është bregdeti. Ky është bregdeti i oligarkëve, nuk është bregdeti i turizmit që duam ne.
