Të gjithë prisnin që Brazili në Botërorin e Rusisë të shpalleshe kampion, apo të paktën të ishte në finale, por kjo nuk ndodhi. Humbja përballë Belgjikës në çerekfinale bëri që “Selecao” të nisen shumë herët për në shtëpi. Trishtimi në kampin brazilian ishte i rëndë, aq më shumë tek tifozët e tyre që ëndërronin shumë këtë herë.
Neymar ishte protagonisti më i madh i Brazilit dhe nga ai priteshe shumë, por talenti i tij nuk u vu në pah në asnjë moment, prandaj do të mbahet mend vetëm për rrëzimet e tij dhe stimulimet e shëmtuara duke u rrëzuar pas çdo kontakti.
Në një postim në faqen e tij zyrtare “Instagram”, sulmuesi i PSG-së shprehet: “Mund të them se ky është momenti më i trishtueshëm i karrierës time. Dhimbja pas eliminimit është shumë e madhe, pasi ne e dimë se i kishim të gjitha mundësitë për t’u kualifikuar dhe për të shkuar më tej, për të bërë historinë. Por nuk ishte dita jonë. Është e vështirë të gjesh forcën për të luajtur sërish futboll, por e di që Zoti do të më ndihmojë të jem sërish i fortë për t’u përballur sërish me këdo.
Muito feliz em fazer parte desse time, estou orgulhoso de todos, interromperam nosso sonho mas não tiraram da nossa cabeça e nem dos nossos corações ??
Dua të falënderoj Zotin edhe pse u mundëm, pasi e di që rruga jote është shumë herë më e mirë se e imja. Jam i lumtur që isha pjesë e kombëtares së Brazilit, jam krenar për gjithçka bëmë në Botëror. E lamë në mes ëndrrën tonë, por ajo ëndërr nuk është shuar as nga mendja dhe as nga zemra jonë”, tha Neymar.
