Prej disa javësh, Shqipëria ka filluar vaksinimin masiv të popullsisë kundër koronavirusit, me vaksinën kineze Sinovac.
Ky proces ka sjellë edhe uljen e të infektuarve me Covid-19, por kreu i Urgjencës Kombëtare, Skënder Brataj këshillon qytetarët që të jenë të kujdesshëm.
Brataj është shprehur se ka pasur raste të riinfektimit te qytetarët, edhe pasi është marrë doza e parë e vaksinës, dhe thekson se infektimi midis këtij harku kohor sjell rrezik të madh,
Sipas tij, antitrupat kundër koronavirusit fillojnë të formohen në javën e dytë pas injektimit të vaksinës.
Postimi i Brataj në rrjetin social, Facebook
KUJDES!
Që nga fillimi i vaksinimit ka pasur jo pak raste infektimi me SarsCov2 edhe në ato raste kur është marë doza e parë e vaksinës. Nuk është vaksina që shkakton sëmundjen e Covid-19, por infektimi me SarsCov2. Specifikoj se ka pasur raste për të gjitha llojet e vaksinave që janë soministruar në Shqipëri! Antitrupat kundër SarsCov2 fillojnë në javën e dytë pas injektimit të vaksinës. Po ashtu përgjigja imunitare pas dozës së parë nuk është e lartë që të na mbrojë nga infektimi, por sidomos nga format e rënda.
Antitrupat fillojnë të prodhohen në nivele të larta pas 7-10 ditësh nga marja e dozës së dytë. Vërtet që vaksina ul infeksionin dhe rastet e rënda por nëse infektohemi në periudhën midis dozës së parë dhe të dytë rreziku është i lartë. Ne mund të infektohemi dhe të shfaqim sëmundjen e Covid-19 me të gjitha format e sajë, të lehta, të mesme dhe të rënda. Respektimi i masave mbrojtëse është i domosdoshëm, sidomos në këtë periudhë tranzitore.
Edhe pak durim, derisa të fitojmë këtë betejë të fundit me virusin. Jeta është pasuria më e madhe që kemi, prandaj ne duhet ta ruajmë atë!
