Pas kryetares së LSI-së, Monika Kryemadhi, zëri i radhës që i bashkohet akuzave është ai i sekretarit të Përgjithshëm të LSI-së, Endrit Braimllari. Ai i është përgjigjur qëndrimit publik të socialistit, Alqi Bllako, pasi ky i fundit i quajti “mashtrime për hakmarrje personale”, akuzat e ngritura nga Monika Kryemadhi.
Braimllari në një shënim në rrjetet sociale thotë se deputeti socialist duhet të përgjigjet në SPAK nëse ka konflikt interesi për koncesionin e impiantit të përpunimit të mbetjeve në kryeqytet.
Pak më herët, deputeti i Partisë Socialiste Alqi Bllako, i është përgjigjur sulmeve në adresë të tij nga Lëvizja Socialiste për Integrim në lidhje me inceneratorët. Të gjitha këto akuza, Bllako thotë se janë një hakmarrje personale e Monika Kryemadhit, akuza që sipas tij janë të pabaza.
“Alqi Bllako keto i dime ne, edhe tenderat ne konviktet e Kolonjes, edhe fabriken e birres, edhe ato te tjerat qe i shet Babai tek djali pastaj tek te tjeret pastaj i blene prap vet.
Por kete incineratorin qe punonte Babai yt kur ishe ti drejtor a ke konflikt interesi, a e ke devijuar ti bashke me Erion Veliajn fatin e nje koncensioni korruptiv?
Pergjigju në SPAK per keto ti nje here pastaj hajd se flasim per te tjerat”.
