Brad Pitt-it i është dhënë kujdestaria e përbashkët e fëmijëve që ka me Angelina Jolie, sipas konfirmimit të ‘Yahoo Entertainment’. Vendimi i përkohshëm vjen pas një beteje gati pesë-vjeçare ligjore, shpesh e ashpër midis aktorëve, dhe që nuk ka mbaruar ende.
Gjykatësi John Ouderkirk, gjykatës privat i paguar nga Pitt, 57 vjeç dhe Jolie, 46 vjeç, për të ndërmjetësuar çështjen, e mori vendimin pas disa muajsh me dëshmi të shumta nga njerëzit që kanë kaluar kohë me fëmijët, duke përfshirë terapistët dhe profesionistë të shërbimeve të kujdesit për fëmijë, Yahoo ka mesuar sidoqoftë, që gjykatësi nuk ka biseduar kurrë me vetë ndonjërin prej fëmijëve – diçka që Jolie e ka theksuar në deklarimet e saj para gjykatës.
Vendimi prek pesë nga gjashtë fëmijët e Jolie dhe Pitt: Pax, 17, Zahara, 16, Shiloh, 14 dhe binjakët 12 vjeç, Vivienne dhe Knox. Më i madhi i tyre, Maddox, është 19 vjeç, kështu që ai nuk i nënshtrohet vendimit.
