Në 75-vjetorin e Çlirimit të Tiranës, zv/kryeministri Erjon Braçe, teksa përkujtoi këtë ditë të rëndësishme, ‘thumboi’ ashpër edhe opozitën e sotme. Në fjalën e tij, ai shigjetoi opozitën, duke i rikujtuar se sa herë duan pushtetin, i bëjnë dëm popullit, dhe shmangin drejtësinë.
“Dua të përmend edhe njëherë se ka pasur qeveri që kanë bashkëpunuar me fashizmin në këtë vend. Këto qeveri të quajtura shqiptare, që vareshin nga pushtuesi, i shpallën luftë SHBA, Francës, Britanisë, etj. Sot ata po përsërisin veten. Sot për interesa partiake, dhe për pushtet, i shpallin sot luftë Francës, SHBA dhe gjithë Perëndimit. Thjesht dhe vetëm se duan pushtet. Edhe atëherë kur pushteti u bë bashkë me fashizmin, sot u bënë kundër vendit”, tha Braçe.
Sipas tij, “Sa herë duan pushtet, i bëjnë dëm popullit dhe shmangin drejtësinë, që i shërben njerëzve të zakonshëm. Dhe që i vë të gjithë të barabartë para ligjit. Ata e meritojnë nderin dhe respektin tonë, që dhanë jetën për këtë vend”.
Zv.kryeministri theksoi me tej: “Kush ka bërë zgjedhje që të jetë me fitimtarët, aty e ka vendin, në mbështetje të heronjve. Ata të tjerët të kërkojnë ndjesë për zgjedhjet që bënë këtu e 80 vite më parë”.
