Zëvendës Kryeministri Erion Braçe ka vërshuar një lum akuzash në drejtim të presidentit Meta, duke i kujtuar se 30 qershori nuk shfuqizohet. Me tone të larta, Braçe e këshilloi Metën që të lexonte Kushtetutën, e ndërsa e vendosi theksin në faktin se Shqipëria është Republikë Parlamentare.
Duke qëndruar në të njëjtën linjë, Braçe iu drejtua kreut të shtetit, duke i thënë se po bën krimin më të madh Kushtetues, duke e cilësuar si precedentin më të rëndë.
“Shqipëria është Republikë Parlamentare. Qeverisja zbatohet. Sovraniteti i përket popullit. Neni 45, çdo shtetas që ka mbushur 18 vjeç, ka të drejtën të zgjedhë. Sikur kaq të kishte lexuar, do kishte më shumë përgjegjësi dhe përgjegjshmëri. Referuar këtyre neneve, dua të dal në dy çështje. E drejta për të zgjedhur dhe për tu zgjedhur”, tha ai.
