Manchester City është i përsosur, regjistron fitoren e 17 radhazi me rezultatin 4-0 përballë Bournemouth në “Etihad”. Rekordi i fitoreve radhazi nuk po ndalet nga skuadra e Guardiolas dhe duket se do të mbahet nga ata për shumë vite, por një tjetër rekord është shënuar për sulmuesin argjentinas, Aguero. Ky i fundit shënoi dy gola në sfidën e sotme duke kapur shifrën e 101 golave në ‘Etihad Stadium”.
Ishte Kun Aguero ai që zhbllokoi rezultatin në minutën e 27’ duke shënuar golin e 100-të në Etihad. Pas pushimit City luajti më lirshëm duke gjetur rrjetën edhe tri herë të tjera me Sterling, Aguero dhe Danilo. Një surprizë ishte përfshirja e David Silva në formacionin titullar pasi lojtari nuk është stërvitur me skuadrën gjatë kësaj jave por lojtari është rikthyer menjëherë aty ku e kishte lënë. Me këtë fitore Guardiola dhe skuadra e tij shkojnë në kuotën e 55 pikëve në renditje, plot 14 pikë përpara Manchester United që ka një ndeshje më pak.
