Pas situatës që përjetoi pak ditë më parë ku pësoi atak kardiak në fushën e lojës, Kristian Eriksen ka qetësuar tifozët teksa shfaqet i qeshur. Mesfushori danez Kristian Eriksen, ka publikuar foton e parë në rrjetet sociale pas arrestit kardiak që pësoi në mes të fushë ditën e shtunë.
Futbollisti danez thotë se i duhet të bëjë ende disa ekzaminime mjekësore, ndërsa thekson se do të bëjë tifo për shokët e tij të skuadrës së Danimarkës. Në reagimin e bërë, mesfushori danez është shprehur se ndodhet në gjendje të mirë, por do të vazhdojë të qëndrojë në spital.
“Përshëndetje të gjithëve. Faleminderit për urimet dhe mesazhet tuaja të ëmbla nga e gjithë bota. Kjo do të thotë shumë për mua dhe familjen time. Jam mirë tani në këto rrethana. Unë ende duhet të bëj analiza në spital, por ndihem mirë. Tani do të bëj tifo për djemtë e Danimarkës në ndeshjet e ardhshme”, shkruan Eriksen në “Instagram”.
View this post on Instagram
