Boston mori fitoren e 19-t të sezonit, duke mundur Philadelphia-n me rezultatin 108-97. Celtics të udhëhequr nga dyshja Irving-Horford vazhdojnë që të mbajnë kryesimin në Konferencën e Lindjes. Suksesi i dhjetë radhazi për Cleveland Cavaliers që mundën Atlanta Hawks me rezultatin 121-114. Protagonisti është gjithmonë ai, LeBron James, i cili ishte vendimtar gjatë gjithë lojës. Ylli i Cavs shënoi 24 pikë dhe 12 asiste.
Ndërkohë Philadelphia luajti ndeshjen e tretë në 4 net. Në këtë lojë mungoi një nga basketbollistët më të famshëm, Joel Embiid. Kjo ia lehtësoi punët Al Horford-it, e pati të thjeshtë të finalizonte.
Në takimet tjera, Denver Nuggets dërgojnë Chicago Bulls në vendin e fundit në Lindje, falë fitoren 111-110 në fund. Vendimtar ishte koshi i realizuar nga Will Burton (37 pikë të shënuara) kur duheshin edhe 3 sekonda që takimi të përfundonte. Për Bulls nuk mjaftoi 40 pikëshi i shënuar nga dyshja Lopez-Markkaanen.
Periudha e zezë e Los Angeles Clippers vazhdon. Pa 4 titullarët, Teodosic, Beverley, Gallinari e Griffin skuadra u mund 126-107 kundër Utah, që ka 11 fitore dhe 11 humbje. Aktualisht Jazz janë në vend të tetë në Konferencën e Perëndimit. Khris Middleton (26 pikë dhe 7 ribaunde) është protagonisti i fitores së Milwaukee Bucks kundër Portland. Rezultati final është 103-91.
