Kryeministri britanik Boris Johnson ditën e sotme tregoi problemin shëndetësor që i shkaktoi koronavirusi.
Johnson deklaroi se aktualisht ka probleme me shikimin.
Në daljen e fundit në publik ai është shfaqur me syze: “Zbulova se duhet të vë syze. Mendoj se problemi me shikimin mund të jetë për shkak të koronavirusit”.
Ndonëse ndër simptomat e evidentuara nga Organizata Botërore e Shëndetësisë nuk renditen problemet me shikimin, kryeministri britanik theksoi se nuk kishte pasur të tillë shqetësim më parë.
Kujtojmë se Johnson u infektua disa javë më parë me COVID-19 ndërsa iu desh që të kalonte disa ditë në terapi intensive, por që më pas gjendja e tij u përmirësua. Pas dy testeve, ai rezultoi negativ, duke mposhtur kështu koronavirusin.
