Kryeministri i ri i Britanisë së Madhe është zgjedhur Boris Johnson, i cili fitoi bindshëm përballë rivalit të tij, Jeremy Hunt.
Boris Johnson fitoi përballë rivalit te tij, Jeremy Hunt në votimin e rreth 160,000 anëtarëve të Partisë Konservatore.
Johnson doli fitues duke marrë 92,153 vota, ndaj 46,656 të rivalit të tij.
Ai do ta marrë detyrën e re në një kohë krize për Brexit. Johnson ka premtuar se do të kërkojë një marrëveshje të re me BE, ose të largohet pa marrëveshje në fund të tetorit.
Kryeministrja britanike, Theresa May, e cila ka dhënë dorëheqjen në shenjë revolte pas mospërkrahjes së politikës së saj për largim të Britanisë nga Bashkimi Evropian, do të drejtojë mbledhjen e fundit të kabinetit britanik, ditën e martë.
