Bombë në Ballkan/ Mediat greke shkruajnë mbi dokumentin për Shqipërinë e Madhe

Dikush nuk ka nevojë të jetë ekspert në historinë e Ballkanit për të kuptuar se ekzistojnë një numër konfliktesh etnike të pazgjidhura që nuk lejojnë që shtetet dhe popujt të “qetësohen” dhe të përpiqen të ecin përpara, duke lënë pas të kaluarën e përgjakshme.

Sipas mediave greke, plani për të ndarë kufinjtë në Ballkanin Perëndimor është një ‘bombë’ gati në shpërthim, dhe jo vetëm kaq.

Herë pas here, në një nga vatrat që nuk kanë ndalur së ndezuri pas shpërbërjes së dhunshme të Jugosllavisë, shpërthen një zjarr i madh, i cili kërcënon të zhvillohet në një tragjedi të re dhe të djegë tërë rajonin.

Herë në Kosovë, herë në Maqedoninë Veriore, herë në Bosnjë dhe Hercegovinë, zhvillimet vijnë për të na kujtuar se asgjë nuk ka mbaruar. Kjo është diçka që jo vetëm populli, por edhe sundimtarët e dinë dhe e kuptojnë, si në Ballkan ashtu edhe në BE. Dhe nganjëherë ata vendosin plane në tryezë duke e zgjidhur njëherë e përgjithmonë konfliktet.

“Dokumenti argumenton se pengesat kryesore për integrimin më të shpejtë të shteteve të Ballkanit në BE janë çështjet e pazgjidhura kombëtare të serbëve, kroatëve dhe shqiptarëve, të cilat duhet të zgjidhen përmes krijimit të një Serbie të Madhe, një Shqipërie të Madhe. Dhe një të Kroacie të Madhe “,– vëren agjencia.

Kjo përkthehet, në praktikë, në një numër ndryshimesh të rëndësishme në hartë: Bashkimi i Kosovës me Shqipërinë, përveç zonave me shumicë serbe që do t’i jepen Beogradit. E njëjta gjë do të ndodhë me Republikën serbe të Bosnjës, ndërsa pjesa kroate që do të dalë nga shpërbërja e Bosnje dhe Herzegovinës do të bashkohet me Kroacinë.