Sa i takon tezës për bojkotin e Kuvendit në muajin shtator, aleati i Partisë Demokratike, Dashamir Shehi, është i mendimit se nëse ndodh, opozita ka vetëm dy zgjidhje.
Ndodhur në këto kushte, kreu i LZHK-së është shprehur kundër këtij bojkoti. Duke qendruar në të njëjtën linjë, ai shprehet se kjo nuk është rruga e duhur, pasi sipas tij, ‘një ushtari të mirë i duhet edhe shpata, i duhet dhe mburoja dhe ushta’.
“Nuk është kjo më e rëndësishme, sepse një ushtari të mirë i duhet edhe shpata, i duhet dhe mburoja dhe ushta. Ti heqësh një nga armët, kjo nuk ka asnjë vlerë”, ka pohuar ai për “IN Tv”.
Por nëse opozita vendos bojkotin e Kuvendit, për Shehin ka vetëm dy rrugë. “Kur do të abandonësh Parlamentin, duhet të mendosh ose të shkosh në zgjedhje ose të dalësh ne rrugë, të mbash një revolucion demokratik”, përfundoi ai.
Vendimi për bojkotin ose jo të Parlamentit nga opozita e bashkuar, do të merret në nisje të sesionit të ri kuvendor.
