Kreu i LIBRA-s, Ben Blushi nëpërmjet një video-komunikimi në rrjetin social “Facebook”, ka bërë të ditur se në zgjedhjet e 18 qershorit partia e tij do mundohet të tërheqë deputetët e zhgënjyer majtas dhe djathtas.
“E kemi deklaruar veten si parti qendre. Duam t’i japim një mundësi dhe një shpresë të gjithë atyre që s’kanë një alternativë por edhe të pakënaqurve nga PD dhe PS”,- ka thënë ai.
I ngacmuar nga gazetarët e pranishëm për këtë fakt, Blushi është pyetur nëse Namik Dokle dhe Arta Dade, të cilët Rama nuk i përfshiu në listat e kandidatëve për deputetë në zgjedhjet e 18 qershorit do ti bashkohen LIBRA-s.
Ndonëse nuk dha një përgjigje konkrete nëse do të jenë apo jo pjesë e LIBRA-s, Blushi sqaroi: “Ata janë miqtë e mi dhe si ata ka shumë socialistë të zhgënjyer por edhe demokratë”.
