Autoriteti Kombëtar i ushqimit ka bllokuar 2.3 ton qumësht pluhur dhe 21 ton vaj palme, pasi sipas tij kompania nuk e justifikonte përdorimin e saj.
Në njoftimin e AKU-së, shkruhet se ky subjekt justifikon vetëm përdorimin e sasisë prej 233 kg qumësht pluhur dhe 6,660 kg vaj palme.
“Autoriteti Kombëtar i Ushqimit nënvizon se sasitë e pajustifikuara të qumështit pluhur dhe vajit të palmës të konstatuara në këtë subjekt janë problem ushqimor dhe fiskal. Rrjedhimisht, gjetjet e inspektimit mbi sasitë e pajustifikuara të lëndës së parë prej 2.3 ton qumësht pluhur dhe 21 ton vaj palme ju referuan autoriteteve tatimore për vlerësime të mëtejshme”, thuhet në njoftim.
Për mungesën e gjurmueshmërisë, mosdeklarim në kartat teknologjike dhe mosdeklarim në etiketë, ndaj këtij subjekti u vendos gjobë në shumën 500 mijë lekë.
“Për mungesën e gjurmueshmërisë u vendos masa administrative gjobë 200,000 lek.Për mosdeklarim në kartat teknologjike të shtesave në produktet e prodhuara, masa gjobë 200,000. Për mos deklarim në etiketë u vendos masa administrative gjobë 100,000 lek”, shkruhet në njoftimin e AKU-së.
