Një ditë pas aksidentit fatal me 4 viktima të së njëjtës familje, njësia operacionale e Tiranës ka ‘zbarkuar’ sot në autostradën Fier-Vlorë.
Brenda pak orësh janë rreth 25 leje drejtimi që janë pezulluar, ndërsa janë marrë masa të ndryshme për drejtues mjetesh që janë kapur nga radari, në shkelje të rregullave të qarkullimit rrugor.
Paralajmërimin për ashpërsimin e masave dhe shtim të kontrolleve e bëri një ditë më parë zv.drejtori i Përgjithshëm i Policisë së Shtetit, Albert Dervishaj.
Bëhet me dije se policia ka ‘blinduar’ autostradën Levan-Vlorë, për të kryer kontrolle. Kontrollet me radarë kanë nisur rreth orës 08:00 të mëngjesit të sotëm. Limiti i shpejtësisë në autostradën Levan-Vlorë është 110 km në orë, por kjo nuk ‘e ndaloi’ 22-vjeçarin, Igli Madani, që me automjetin e tij 100 mijë eurosh të ecte me shpejtësi skëterrë në rrugë.
