Deputetja Blerina Gjylameti është shfaqur për herë të parë në publik, pas aksidentit tragjik ku humbi jetën i vëllai i saj.
Deputetja e PS është fotografuar në shkallët e Kuvendit e veshur me të zeza, në shoqërinë e kolegëve të saj.
“Pas asaj fatkeqësie të madhe, jeta vazhdon. Blerina Gjylameti sot përqafohet edhe një herë me kolegë, dhe jo vetëm, për tu shprehur falenderimet për gjithçka bënë. Për respektin e të vëllait. Edhe një herë ngushëllime të sinqerta, Blerina Gjylameti”, shkruan fotografi Agim Rama.
Një aksident tragjik në tunelin Tiranë-Elbasan i mori jetën vëllait 37-vjeçar të deputetes së Partisë Socialiste, Blerina Gjylameti. Viktima Elton Macolli punonte si ushtarak në bazën ajrore të helikopterëve në Farkë.
Makina e Elton Macollit ishte e modifikuar nga benzinë ne impiant gazi, e për pasojë ka shpërthyer në flakë, pa asnjë mundësi shpëtimi.
