Detaje të reja kanë dalë në dritë pas raportimit që në orët e para të ditës, për djegien e dy mjeteve në Durrës. Rasti në fjalë është shënuar në afërsi të kryqëzimit të rrugës së stadiumit ‘Niko Dovana’, ndërsa dy mjetet që janë djegur janë me targa AA 432 PL dhe AA 581 JJ.
Mësohet se objektiv ka qenë mjeti me targa AA 432 PL, ndërsa makina tjetër ka marrë flakë pasi ishte afër.
Pronari i mjetit me targa AA 432 PL. punon si projektues në një firmë private në Durrës. Ai ka dhënë dëshminë e tij në polici, ku ka konfirmuar se nuk ka konflikte me askënd.
Nga të dhënat paraprake, blutë e Durrësit nuk përjashtojnë pistën se makinat mund të jenë djegur nga persona të pa përgjegjshëm, pa ndonjë arsye konkrete.
Për të zbuluar këtë ngjarje, nga ana e policisë po kqyren kamerat e sigurisë së bizneseve pranë, për të identifikuar autorët.
https://tiranatoday.com/goditi-me-karrige-erdhi-policia-oni-hysenbelliu-tregon-historine-kur-eshte-zene-per-nje-femer/
