Elton Ilirjani, biznesmeni i njohur shqiptar që drejton një kompani ndërkombëtare është një ndër personazhet më të komentuar në media pasi e ka pranuar publikisht orientimin e tij seksual.
Së fundmi, Ilirjani ka postuar një foto në rrjetin e tij social “Instagram” ku shfaqet i lyer me make up, ndërsa në qafë e duar mban disa rruaza perlash.
Përkrah fotografisë, biznesmeni njofton se sot feston përvjetorin e 7 të kompanisë së tij.
“Diversiteti është thelbi i biznesit tonë. Të gjithë janë të ndryshëm dhe plot ngjyra”, shkruan Ilirjani.
Biznesmeni u bë shumë i njohur në media vitin e kaluar kur tregoi se familja e kishte marrë vesh orientimin e tij seksual nga një letër.
