Vëllai dhe motra e një biznesmeni, që vdiqën në një aksident automobilistik gjatë pushimeve në Shqipëri, kanë dhënë haraç për të. Ata e përshkruajnë të dashurin e tyre si njeri: “frymëzues dhe punëtor”.
Nasir Rahman, 27 vjeç, ka qenë pronar i garazhit të inspektimit të makinave “Chelmsford Prestige”. Ai ishte pasagjeri në mjetin tip “Mercedes C63”. Mjeti po udhëtonte në autostradën e Durrësit në më 27 gusht, kur u përplas me një Volksëagen Golf.
Sipas familjes së tij, Nasir vdiq, pasi shoferi i Mercedes humbi kontrollin dhe makina u kthye përmbys. Mjeti drejtohej nga shqiptari Sabah Maçi, 25 vjeç, lindur në Has dhe banues në Angli.
Rrëfimi i vëllait dhe motrës së bisnesmenit
Nasiri jetonte në Brentëood dhe ishte babai i dy fëmijëve të vegjël. Gruaja e tij është shtatzënë dhe pritet të sjellë në jetë fëmijën e trete. Vëllai i tij, Nabeel, 22-vjeç, shkoi në Shqipëri për të marrë trupin e pajetë të vëllait.
“Ishte ora 12.30 natës kur më mori në telefon një miku në Shqipëri që më tha për aksidentin”, shprehte Nabeel. “Unë shkova në aeroportin e Lutonit dhe u nis menjëherë për atje”. Funerali i Nasir u mbajt më 31 gusht , katër ditë pas aksidentit, raporton essexlive.news.
“Ka qenë e vështirë për të gjithë. Por për nënën time ishte më e vështirë. Kur je prind, nuk pret që të varrosh djalin tënd, por mendon se ai do të varrosë ty”, u shpreh më tej i riu.
Nasir, paratë e tij i investoi të gjitha në servisin e makinave. Ai hapi një biznes më të madh në Chelmsford të quajtur “Chelmsford Prestige” rreth një vit më parë.
Nabeel ka punuar me Nasirin për pesë vjet dhe tani ka marrë përsipër biznesin që i ka lënë vëllai më i madh.
“Ne e ndërtuam këtë së bashku. Makinat ishin gjëja e tij e preferuar. Kur isha 17 vjeç fillova të punoja me të. Ai ka punuar që i vogël. Ai nuk ndoqi asnjë shkollë, por mundi të ngrite këtë biznes. Ai ishte një djalë i këndshëm, i lumtur gjatë gjithë kohës, madje ai ishte frymëzues.”
Nasir lë pas dy fëmijë dhe gruan e tij, Nosihn, e cila është shtatzënë me të tretin.
Nabeel shtoi: “Duhet të jetë e vështirë, ata u martuan pesë apo gjashtë vjet më parë. Kur planifikoni jetën me dikë, ju nuk prisni që një tragjedi të ndodhë kaq shpejt dhe papritur”.
Nasiri dhe motra 16-vjeçare e Nabeelit, Alina, kanë vendosur të paguajnë një haraç për vëllanë e tyre më të madh. Dy të rinj po bëjnë këtë gjest të madh, si detyrim moral dhe shpirtëror ndaj të ndjerit.
Motra e tij u shpreh se: “Ai kishte sens të mirë humori. Ai ishte me të vërtetë punëtor. Fëmijët e tij nuk kanë një baba, gruaja e tij është shtatzënë, unë dhe vëllai im e kanë humbur vëllanë tonë, dhe prindërit tanë kanë humbur djalin e tyre”./Përshtati Tirana Today/
