Në periudhën e fundvitit shumë biznese ofrojnë oferta për produktet e tyre, ndërsa hapësirat televizive janë të përmbytura me reklama për produkte të ndryshme.
Por sa realisht ka pasur ulje çmimesh për produkte të cilat janë reklamuar pa fund duke joshur konsumatorët apo klientët përmes kuponëve apo dhe mënyrave të tjera të reklamimit.Në qendrat tregtare janë bërë shumë oferta për produktet të ndryshme, të cilat ofroheshin përkundrejt një ulje me 20 për qind, kryesisht në pajisjet eletroshtëpiake, televizorë, dhe kondicionerë.
Sipas të dhënave që ka publikuar INSATA, çmimet për këto artikuj jo vetën nuk kanë pësuar ulje në muajin dhjetor, por janë rritur edhe më shumë se gjatë gjithë periudhës tjetër të vitit. Larëset e enëve dhe rrobave u shiten 4-5 % më shtrenjtë gjatë muajit dhjetor.
Sipas të dhënave të INSTAT përgjatë gjithë vitit 2017 nga janari në dhjetor çmimet elektroshtëpiakeve ishin më rënie.Çmimet pësuan rritje të dukshme edhe për kondicionerët të nxitur nga kërkesa e fortë për shkak të temperaturave të ulta të dimrit.
Çmimet e kondicionerëve shfaqen ecuri të drejtë me zhvillimet klimaterike, duke u rritur gjatë muajve të verës maj -qershor dhe në dhjetor.
Muajt e festave të fundvitit nxisin konsumin në të gjithë botën për shkak se blerjet nxiten nga ofertat me çmime të ulta të artikujve. Por në Shqipëri blerjet me shumë së nga oferta nxitën nga një traditë që shqiptarët kanë për të shtuar diçka të re në shtëpi. Zakonisht plotësimi i nevojave me pajisje elektroshtëpiake, bëhet gjatë muajve dhjetor, teksa tregtarët duket se e shfrytëzojnë kërkesën për të fituar më shumë duke rritur çmimet.
Nga ana tjetër teknologjia po përparon me hapa të shpejtë, duke treguar se çdo vit e më shumë tendenca ndaj makinave larëse është drejt modeleve më ekonomike, që harxhojnë më pak energji, me pak ilaç dhe përballojnë volume më të mëdha pune.
“Larëset e enëve, kjo pajisje, jo shumë popullore në Shqipëri më parë, ka nisur të blihet në masë. Larja e enëve zë një pjesë të madhe të kohës për gratë familjarë dhe gjithnjë e më shumë këtë proces po e zëvendësojnë me lavastoviljen”-shkruam Monitor.
Njësitë e pakicës pohojë se një lavastovilje që nuk është inkaso në momente ofertash shitet 25- 30 mijë lekë, nga 60 mijë e më shumë që ishte çmimi i tyre katër-pesë vite më parë. Gjithashtu të njëjtat burime pohojnë se tregu i lavatriçeve në tërësi kanë tendencë rënëse.
