Biznesmeni amerikan dhe bashkëthemeluesi i Microsoft, Bill Gates, ka dhënë alarmin se dy katastrofa të tjera, mund të prekin të gjithë botën, pas përfundimit të pandemisë së Covid-19.
Sipas tij, ndryshimi i klimës dhe bioterrorizmi janë dy katastrofa për të cilat njerzimi nuk është i përgatitur.
Duke folur për bioterrorizmin, Gates tha se një person tani mund të krijojë lehtësisht një virus vdekjeprurës dhe ka më shumë të ngjarë të ekspozohet ndaj viruseve të tilla sesa ndaj epidemive që ndodhin natyrshëm siç është Covid-19.
Ai gjithashtu vuri në dukje se nëse ndodh një katastrofë si kjo, qeniet njerëzore do të mbajnë zi për një numër humbjesh, më të mëdha se pandemia aktuale.
Sa i përket pandemisë, ai deklaroi se njerëzimi nuk ishte i përgatitur për një lloj gripi ngjitës që infekton një numër të madh njerëzish shumë shpejt.
“Sëmundjet e frymëmarrjes janë shumë më të frikshme, sepse ende jeni duke ecur, duke hipur në aeroplan, në autobus, kur jeni të infektuar. Ndryshe nga disa sëmundje të tjera, si Ebola, ju jeni kryesisht në një shtrat spitali kur ngarkesa virale infekton njerëzit e tjerë”.
“Njerëzit nuk janë të përgatitur të merren me një sëmundje, një grip shumë ngjitës, për shembull, që infekton një numër të madh njerëzish shumë shpejt”, tha Gates.
