Gazeta gjermane “Bild” nuk ka të ndalur. Ajo ka rinisur publikimin e përgjimeve që thuhet se vërtetojnë manipulimet zgjedhore në vend. Kryefjala mbetet dosja e manipulimeve zgjedhore në Dibër. Këtë herë në qendër të përgjimeve është ish-ministri i Energjisë, Damian Gjiknuri, por edhe shefi i policisë në Dibër, Robert Aga, deputeti Xhemal Qefalia dhe Imer Lala, të cilin gazeta e quan një të afërm të kryeministrit Edi Rama.
“Një shef policie që bën një plan për manipulimin e zgjedhjeve, dhe që pas kësaj flet me një ministër. Një ministër që komunikon me një mafioz”. Kështu paralajmëron gazetari i “Bild”, Peter Tiede, përgjimet e reja që do të publikohen së shpejti.
Përgjimi:
Imer Lala: Hë mor zotëri.
Damian Gjiknuri: Tërmet, tërmet! Tërmet i q…nanën.
Imer Lala: Çfarë kemi bërë ne të dy.
Damian Gjiknuri: Tërmet!
Imer Lala: Po më shkruante ai robi. I thashë; a po fle gjumë. Tha jam habit me Selishtën dhe Luzninë (dy fshatra në Dibër). I thashë se paske njohur Damian Gjiknurin dhe mua nga afër.
Damian Gjiknuri: Hahahha tërmet, tërmet!
Imer Lala: Hajde, se mbaroi.
Damian Gjiknuri: I q…robtë. Doli llafi jot. Doli llafi jot me 1 mijë vota plus.
Imer Lala: Me gjithë mend nuk më paske njohur nga afër.
Damian Gjiknuri: Edhe ti mua, edhe unë ty.
