Aktorja e njohur turke, Beren Saat, e cila ka spikatur në disa role si “Bihter” tek seriali “Dashuri e ndaluar”, apo Kosem tek “Sulltanesha Kosem”, mësohet t’i ketë kërkuar divorcin bashkëshortit të saj, ndonëse ai po përpiqet të shpëtojë martesën.
Në mediat turke, prej ditësh qarkullon lajmi se aktorja e njohur Beren Saat ka kërkuar divorcin. Përveç lajmeve që kanë qarkulluar në media, fakti që ngriti më shumë dyshimet për vërtetësinë e kërkesës për divorc ishte një postim i bërë nga aktorja ditën e saj të ditëlindjes. Saat nuk e ka përmendur në asnjë çast bashkëshortin, si dhe ai nuk ka qenë pjesë e festimeve për ditëlindjen e saj të 35-të.
