Superfuqitë botërore janë shumë të shqetësuara për ndryshimet klimaterike. Sot, një tjetër vend i fuqishëm, Gjermania, shpalli gjendjen e emergjencës klimaterike.
Shqetësimit i është shtuar edhe një konstatim i fundit i bërë nga shkencëtarët. Shtresa e akullit në Grenlandë është duke u shkrirë shumë më shpejt sesa është menduar më parë. Shpejtësia e shkrirjes do të sjellë përmbytje në shumë vende dhe efekte të pakthyeshme të ndryshimeve klimatike.
Sipas studimit, akulli në Grenlandë është duke u shkrirë 7 herë më shpejt se në vitet 90’. Shkalla e humbjes së akullit është shumë më e lartë se parashikimet e bëra përmes studimeve ndërkombëtare.
Po çfarë do të thotë kjo?
Sipas shkencëtareve, niveli i detit mund të rritet me 67 centimetra deri në vitin 2100, rreth 7 centimetra më shumë se parashikimi i Panelit Ndërqeveritar për Ndryshimet Klimatike.
E thënë më thjesht, 400 milionë njerëz rrezikohen nga përmbytjet çdo vit. Gjithashtu, kjo do të thotë që do të rritet rreziku i stuhive në rajonet bregdetare.
Grenlandës i janë shkrirë 3.8 trilionë tonë akull që nga viti 1992. Diferenca e shkrirjes gjatë 1990 ka qenë me 33 miliardë tonë në vit. Ndërsa tani kjo shifër ka kapur vlerën 254 miliardë tonë në vit.
Akulli i Grenlandës ndikon drejtpërdrejt në rritjen e nivelit të detit, sepse ai ndodhet mbi sipërfaqe tokësore, ndryshe nga akujt që lëvizin nëpër ujë, shkruan “The Guardian”.
