Popullariteti i Presidentit të Francës, Emmanuel Macron ka rënë me 10 pikë.
Ky është rezultati i sondazhit të “Ifop”, i cili u publikua nga “Le Journal du Dimanche”, sipas të cilit mbështetja për Emanuel Macron ra nga 64 në 54 përqind që ishte muajin e kaluar.
Kjo është paraqitje mjaft e dobët në historinë e presidentëve francezë, pasi në vetëm tre muaj Macron ka humbur 8 përqind.
62 përqind e francezëve ishin entuziastë për të në fillim të mandatit, duke u rritur në 64 përqind muajin në vijim, por në fund të tremujorit, kjo përqindje ra në 54.
Macron është vënë nën kritika të medias dhe kundërshtarëve politik për një shkurtim të fortë të buxhetit, shkak për të cilin u bë edhe dorëheqja e zyrtarit më të lartë të ushtrisë, shefi i shtabit të përgjithshëm.
Ndërkohë, maxhoranca por edhe kundërshtarët e Macron thonë se ai po e përqendron pushtetin në presidencën e tij.
Edhe kryeministri Edouard Philippe ka shënuar tetë pikë rënie mes njerëzve që janë të kënaqur me qeverisjen e tij, vetëm brenda një muaji, sipas sondazhit që ka intervistuar 1,947 të rritur, brenda datave 17-22 korrik.
