Ish-nënpresidenti i Shteteve të Bashkuara, Joe Biden dhe gruaja e tij, Jill kanë rezultuar negativ në testin për Covid-19.
Biden e konfirmoi lajmin përmes një postimi në rrjetin social, Twitter.
“Jam i lumtur të njoftoj se Jill dhe unë kemi dalë negative për COVID-19. Faleminderit të gjithëve për shprehjen e shqetësimit me mesazhet tuaja. Shpresoj që kjo të shërbejë si një kujtesë: vendose maskën, mbaj distancën dhe laji duart”.
I’m happy to report that Jill and I have tested negative for COVID. Thank you to everyone for your messages of concern. I hope this serves as a reminder: wear a mask, keep social distance, and wash your hands.
— Joe Biden (@JoeBiden) October 2, 2020
Shqetësimet për një infektim të mundshëm të tij erdhën pasi Biden, më 30 shtator, mori pjesë në debatin e parë presidencial me presidentin e Shteteve të Bashkuara, Donald Trump, i cili të premten konfirmoi se ai dhe Zonja e Parë, Melania, kanë rezultuar pozitivë.
Më herët, kandidati demokrat për president të Shteteve të Bashkuara, Joe Biden i uroi shërim të shpejtë çiftit presidencial.
