Ceremonia e Aktit të Betimit të gjeneratës së re të diplomatëve e quajtur gjenerata “Ismail Qemali” u zhvillua sot pranë ambjenteve të Ministrisë për Evropën dhe Punët e Jashtme, ku mori pjesë edhe ministri Ditmir Bushati. Në fjalën e tij përshëndetëse, duke iu uruar suksese në pikënisjen e tyre të punës në Shërbimin e Jashtëm, ministri këshilloi diplomatët e rinj të udhëhiqen nga dy parime gjatë aktivitetit të tyre të mëpasshëm: dashuria për atdheun dhe rritja profesionale.
Fjala e plotë:
“Keshilla ime që u jap këtyre diplomatëve është dashuria për atdheun, sepse po jetojme në kohën ku secili tund flamurin e nacionalizimit, por dashuria e atdheut duhet kombinuar me dashurinë me detyrën. Detyra duhet ushtruar me profesionalizëm. Eksperienca ime në shërbimin e jashtëm duke jetuar me diplomatëtët, është se siç ka raste ku njerzit përfitojnë nga çdo ekseriencë që i jepet duke kountribuar për atdheun, ka dhe raste ku njerëzit fokusohen vetëm tek spaletat qe ata mbajnë mbi supe.Shpresoj shumë që me gjeneratën e “Ismail Qemalit” te vijojmë traditën e dy gjeneratave të mëparshme dhe dijet t’i shumëfishojmë në praktikë. Shumëfishimin i dijeve në praktikë, ta pasqyrojme në një pozicion më të mirë të shqipërisë në arenën ndërkombëtare” – u shpreh Bushati
