Që në orët e para të ditës ka nisur grumbullimi i studentëve, të cilët do të protestojnë sërish përpara Ministrisë së Arsimit. Pranë Shkencave të Natyrës është mbledhur një numër i madh studentësh, të cilët do i bashkohen protestës.
Pritet që mësimi të bojkotohet në çdo universitet të vendit.
Edhe pse dje qeveria u tërhoq duke shfuqizuar pikën 4 të VKM, ku bëhej fjalë për tarifat e vendosura për provimet e mbetura, studentët kërkojnë edhe plotësimin e kërkesave të tjera, si përmirësimi i kushteve të konvikteve dhe përgjysmimi i tarifës së shkollës.
